Internet

Komunikazio mundua azkenengo urteetan asko aurreratu da, teknologia berriak agertu dira prozesu hau errazten dutenak, hau da, ideiak azkartasun handiarekin  transmititzen eta norberaren erosotasuna handitzen dutenak. Horietako bat internet da, ez da komunikazio metodo berri bat, baizik eta kanal berri bat da, lehen esan bezala erosotasun eta azkartasun handiagoa izatea ahalbidetzen duena. 

Interneten bidez gaur egungo komunikazio metodoen informazioa transmititzen da. Hasiera batean, komunikabide tradizionalak ( idatzizkoa, irratia, telebista) ez dute aurkitzen komunikabide berri baten lehiaketa, baizik eta internetek ate berriak irekitzen dizkie, horrela errazagoa izango dute beraien informazioa zabaltzea; CD-ROM antzera. Beraz, presta elektronikoa prentsa da eta sareko irratia ere irratia da, kanal honen laguntzaz baliatzen dira informazioa leku gehiagotara zabaltzeko. 

Hala ere internet, berezitasun propioak ditu

•         Beste kanal batzuekin alderatzen badigu, internet kanal unibertsal bat dela esan dezakegu, hau da, mundu osoan zehar zabalduta dagoena. Kanal honek guztien informazioa inolako arazorik gabe jasotzeko aukera du.

•          Kanal personalizable bat da, hau da, bakoitzak bere gustora moldatu dezake.

•          Kanal hau modu infinitu batean hedatu daiteke, esan bezala mundiala da.

Interneten karakteristikak aztertzen baditugu, abantailak zein desabantailak aurkitu ditzakegu, beste kanal batzuekin konparatzen badugu ( papera, irrati uhinak …). Alde batetik eboluzio ikaragarria suposatzen du interneten agerpena, batez ere eragozpenak gainditzeko, informazioa leku gutxira heltzea esate baterako. Bestetik, interneten eboluzioa konstante denez, gaur egungo erabilitako baliabide hau zeharo aldatuko da hurrengo urteetan zehar, egungoa atzean utziz.





http://www.argo.es/medios/ponencia.html

http://alumnadodeprimero.blogspot.com/2010/03/como-encender-un-ordenador.html

Testua & Diskurtsoa

Gaur blog honetan agertuko den posta, lotura zuzena izango du komunikazio gaitasun garapeneko klasean emandako materiarekin. Gizakiok elkarrekin komunikatzeko eta gure ideiak komunean jartzeko erabiltzen ditugun bi ezaugarri, testua eta diskurtsoa, agertuko dira. Aspektu teorikoetan sartu aurretik, diskurtsoa eta testua saindu behar dituzten bi faktore aipatuko ditut; euskaren kalitatea eta komunikatzeko gaitasuna.

Bai testuan zein diskurtsoan erabilitako euskara hiru puntu garrantzitsu izan behar ditu:

· Zuzentasuna; arauen araberako euskara zuzena izan behar da: ortografia, lexiko, sintaxi, ahoskera …

· Jatortasuna; Euskara senaren edo tradizioaren ezaugarriak bete

· Egokitasuna; Idatzitakoaren xedea lortzeko euskara egokia.

Norberak bere bizitzan zehar komunikazio gaitasun egokia izan behar du, horrela testua eta diskurtso aberatsak egingo ahal ditu. Komunikazio gaitasuna ez da teknika hutsa baizik eta gizakiaren gizatasuna areagotzeko modua. Gainera komunikazioan erabilitako hizkuntzak gizakia gizaki egiten du eta hizkuntza gure komunikazio gaitasunaren oinarria da.

Orain diskurtsoa eta testuaren arteko desberdintasunak azalduko ditut:

Hasteko diskurtso arloan hainbat helburu aurkitu ditzakegu; informatzea ( presako albiste, irratia), heztea ( irakaskuntza), pertsuaditzea ( publizitatea, propaganda), entretenitzekoa (antzerkia, zinema) dira horietako batzuk. Gainera gure diskurtsoa ondo transmititzeko diskurtsoa ondo eratuta egon behar da; ondorengo zatiak egoki antolatuta egon behar dira; sarrera, azalpena, arrazoibide, epilogoa.

Gorren komunikazioa

Hasiera batean komunikazio terminoa eta honen inguruaren ezaugarriak azaldu egin ditut, oraingo artikuluan komunikazio arloan ohikoa den arazo batez hitz-egingo dut.

Komunikazio munduan zati oso garrantzitsu bat aurkitu dezakegu. Zeinu hizkuntza daukagu arlo hori, gor eta mutuek erabilitako mintzaria da eta hauek dituzten arazoei aurre egiteko baliabide aproposa da. Historian zehar pertsona hauek arazo larriak izan dituzte komunikatzeko, beraz hizkuntza mota honen aurrerapena oso interesgarria eta baliagarria izan da pertsona hauentzako. Zeinu hizkuntza begi-zeinuzko hizkuntza da, hau da, bistaren bidez jasotzen da informazio guztia eta ahozko hizkuntza alde batera usten da. 

Aipatu beharra dago zeinu hizkuntza inguruan, munduan zehar hainbat zeinu zabalduta daudela,guztiok ezagunak ditugunak, baina hizkuntza guztiak bezala, tokian tokikoa da, zeinu hizkuntza bakoitza bere eredu edo kode propioa daukate. 

Arazo hau dituzten pertsonak, ez daukate soilik modu bat komunikatzeko, era bat baino gehiago aurkitu dezakegu zeinu hizkuntza arloaren barruan:

· Ahozkoa: Pertsona gor batzuk metodo hau erabiltzen dute hezkuntza inguruarekiko lotura zuzena duelako, orain dela urteak pertsona gorrei derrigortzen zieten modu egokian ahoskatzen eta espresatzen, beraz horretarako ahozko komunikazio erabiltzera derrigortuta zeuden nahiz eta beraien ezer ez entzun

.

· Eskuzkoa: Azkeneko urteetan egindako borrokari ezker, gorren hizkuntzaren errespetua zaindu egin da, honek garrantzia handia hartu du eskolan irakasle bereziak sartu egin direlako, zeinu hizkuntzaren bidez arazoak dituzten pertsonei laguntzeko. Eskolan erabiltzen dena batez ere eskuzkoa da, gainera integrazio maila honetara heltzea laguntzen du munduari zeinu hizkuntza beste hizkuntzak bezain erabilgarria dela erakusteko.

· Idatzizkoa: Ez da ahaztu behar hezkuntzaren helburu nagusietako bat idaztea eta irakurtzea irakastea dela, beraz gure kaligrafia besteek problemarik gabe irakurtzera heldu behar gara. Alde honetan gorrak diren pertsonek ez dute problema handirik, idatzik komunikatu ahal dira, baina arazo nagusiena informazioa jasotzerako orduan aurkituko dute.

Komunikazio ezaugarriak

Komunikazio hitza latinetik dator “ commnicare” hitzetik hain zuzen ere. Gaur egun eta aitzinean gertatzen den moduan, pertsona garen moduan komunikatzeko ekintza ezinbesteko daukagu, hau da, komunikatu gabe ezin ginateke bizi. Aipatu beharra dago, komunikazioaren munduan hainbat metodo desberdin daukagula zeregin hau burutzeko: Komunikazio bisuala, artistikoa, akustikoa, sentsoriala … Honetaz aparte komunikazio egokia izatea beharrezkoa da pertsona moduan hazteko zein gizartearen partaide izateko.


Pertsonen arteko informazioa transmititzeko hainbat osagai egotea beharrezkoa da; Emailea, hartzailea, mezua, kanala, kodigoa eta ingurua.

· Emailea: Mezua sortzen, bidaltzen duen pertsona edo pertsona taldea.

· Hartzailea: Mezua jasotzen duen pertsona edo pertsona taldea.

· Mezua: Emaileari hartzaileari bidalitako informazio multzoa.

· Kanala: erabilitako baliabidea mezua transmititzeko.

· Kodigoa: Erabilitako arau eta zeinua multzoa mezua bidaltzeko.

· Ingurua: Komunikazioa gauzatzen den egoera.

Hartzaile eta emailearen arteko komunikazioa egokia eta efikaza izateko, egokituta egon behar dira erabilitako baliabideak eta tresnak, hau da, idatzizko, ahozko eta gorputzeko hizkuntzak bien aldetik menperatuak izan behar dira. Mezuen transferentzia egokia izatea lotura zuzena du erabilitako hizkuntzarekin, hots, hartzailea ez badu ulertzen emaileak erabilitzako hizkuntza metodoa, ezinezkoa izango da mezua egoki ulertzea.